Tərtər şəhərindəki Şəhidlər xiyabanında naməlum şəhid kimi dəfn edilmiş Birinci Qarabağ müharibəsində itkin düşmüş hesab olunan Rüstəmov Cəlal Əbdülhəkim oğlunun nəşinin qalıqları İsmayıllı rayonunda torpağa tapşırılıb.

Şəhidin nəşi bu gün rayonun Mican kəndinə gətirilib və vida mərasimi keçirilib. Sonra şəhidin nəşinin qalıqları İsmayıllı şəhər Şəhidlər xiyabanında dəfn olunub. Dəfn mərasimində şəhidin doğmaları, kənd sakinləri, qazilər, eləcə də rayon icra hakimiyyətinin, hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.

Qeyd edək ki, Cəlal Əbdülhəkim oğlu Rüstəmov 1992-ci ildə Ağdərə rayonunun Qozlu kəndi uğrunda gedən döyüşlərdə itkin düşmüş sayılırdı.

Azərbaycana səfər edən məşhur jurnalist, media məsləhətçisi Jim Lemay Azərbaycanın aparıcı xəbər agentliklərinin peşəkarları ilə görüşlər çərçivəsində Kanal S televizyasında olub. Telekanalın binası, imkanları, texniki avadanlıqları ilə tanış olan qonaq xəbərlər xidmətinin əməkdaşlarına qısa masterklas keçib. O, media trendləri ilə bağlı təcrübəsini bölüşüb.

Bölgələrdə karantin zərərverici olan qəhvəyi mərmər bağacığına qarşı mübarizə məqsədilə monitorinqlər keçirilib və feremon tələlər quraşdırılıb. Zərərvericinin ən çox təsadüf edildiyi Şimal-Qərb və Qərb bölgələrində qəhvəyi mərmər bağacığına qarşı artıq 3 ildir ki, mübarizə aparılır.

Görülən tədbirlər artıq öz bəhrəsini verir. Belə ki, öncəki illər zərərvericinin ən çox müşahidə edildiyi bölgələdən olan Balakən rayonu ərazisində 2024-cü ilin müvafiq dövrü ərzində qışlama yerlərinin manitorinqi zamanı 17 kənddə cəmi 8576 ədəd qəhvəyi mərmər bağacığı aşkarlanaraq, mexaniki üsulla məhv edilib. Bu rəqəm ötən illərlə müayisədə xeyli aşağıdır.


Mart ayından başlayaraq zərərvericinin populyasiyalarının kütləvi yayıldığı ərazilərdə monitorinq və mübarizə məqsədilə ümumilikdə 5975 ədəd feromon tələ quraşdırılıb. Qəhvəyi mərmər bağacığına qarşı bu günədək 2,3 min hektar sahədə müşahidə aparılıb, 140 hektarda sirayətlənmə aşkarlanıb və 130 hektar sahədə mübarizə tədbirləri görülüb. Qeyd edək ki, Qəhvəyi mərmər bağacığı son illər əsasən fındıq bağlarının ən təhlükəli karantin zərərvericilərindən hesab edilir. Məhsuldarlığa ciddi ziyan vura bilir.

Türkiyənin Konya şəhərindən olan qonaqlar Şəkidə dahi şairimiz Bəxtiyar Vahabzadənin ev muzeyində olublar. Qonaqlar çıxışlarında B.Vahabzadənin ev muzeyində olmaqdan çox mənnun olduqlarını bildirib, Azərbaycan-Türkiyə qardaşlığından bəhs ediblər.

Daha sonra onlar üçün ev muzeyində çay süfrəsi təşkil olunub, Azərbaycan və Türkiyəyə aid milli musiqilər səsləndirilib. Sonra qonaqlar muzeylə tanış olublar, onlara muzey barədə ətraflı məlumat verilib.

Balakən rayonunun Katex kənd sakini, 38 yaşlı Şahid Babayevin meyiti tək yaşadığı evdə aşkarlanıb. Şahid Babayevin həyətyanı sahəsində ot biçməyə gələn qohumlar onu evdə görməyib və ev sahibini axtarmağa başlayıblar.

Bu zaman həyətdəki köməkçi tikilidə qaz sobasının yanında Şahid Babayevin meyitini görüblər. Yaxınları bildiriblər ki, mərhum hadisə baş verən evdə tək yaşayırdı. O, hərbi xidmətdən gələndən bir qədər sonra əsəb xəstəliyinə tutulub və uzun müddətdir bu xəstəlikdən əziyyət çəkirdi. Meyit müayinə olunmaq üçün Məhkəmə Tibbi Ekspertiza və Potoloji Anatomiya Birliyinin Balakən rayon şöbəsinə təhvil verib.