Zaqatalada zəncirvari yol qəzası baş verib. Hadisə Yevlax-Zaqatala-Gürcüstan sərhəd magistiralının şəhər ərazisindən keçən hissəsində qeydə alınıb.

Şamaxıda qətl hadisəsi baş verib. Məlumata görə, ər arvadını şəhər qəbiristanlığında öldürüb. Rayon sakini, 41 yaşlı Vüsal Hidayətov həyat yoldaşı 29 yaşlı Sevda Hidayətovanı qətlə yetirməkdə şübhəli bilinir. Hadisənin qısqanclıq zəminində baş verdiyi ehtimal olunur. Vüsal Hidayətov saxlanılaraq istintaqa təhvil verilib.

“Konstitusiya və Suverenlik İli” çərçivəsində Müharibə, Əmək və Silahlı Qüvvələr Veteranları Təşkilatı və Şəki Şəhər İcra Hakimiyyətinin birgə təşkilatçılığı ilə “Zəfərdən zəfərə gedən yol” adlı tədbir keçirilib.

Heydər Əliyev Fondu və Elm və Təhsil Nazirliyinin birgə layihəsi çərçivəsində təşkil olunan “Zəkaların mübarizəsi” olimpiadası çərçivəsində şimal-qərb bölgəsinin ümumi təhsil müəssisələrinin şagirdləri arasında regional bilik yarışı keçirilib.

Şamaxı rayonunda torpaq sürüşməsi qeydə alınıb. Cabanı–Əngəxaran avtomobil yolunun 11-ci kilometrliyində yol çöküb. Nəticədə nəqliyyatın hərəkəti üçün təhlükəli vəziyyət yaranıb. Torpaq sürüşməsi yolun bir hissəsində ciddi zədələnməyə səbəb olub. Yolun bir zolağında 1 metr dərinliyində və 4 metr enində iri yarğan əmələ gəlib. Həmçinin asfalt örtüyü sıradan çıxıb, yolun çiyin hissəsi isə tamamilə dağılıb.

Şəkidə ağır yol qəzası baş verib, ata ölüb, azyaşlı övladı isə ağır xəsarət alıb. Hadisə gecə saatlarında Qaraməryəm-İsmayıllı-Şəki avtomobil yolunun Şəkinin Köbər Zəyzid kəndi ərazisindən keçən hissəsində baş verib. Belə ki, 44 yaşlı Şəki şəhər sakini Təvəkkül Şiralıyev “Mercedes” markalı avtomobili ilə hərəkətdə olarkən idarəetməni itirib və maşın yolun kənarındakı ağaca çırpılıb. Qəza zamanı sürücü Təvəkkül Şirəliyev, avtomobildə olan sərnişinlər - sürücünün oğlu 9 yaşlı Kənan Şirəlizadə və azyaşlının xalası oğlu 15 yaşlı Fəqan Qocayev aldıqları müxtəlif dərəcəli bədən xəsarətləri ilə Şəki Rayon Mərkəzi Xəstəxanasının Reanimasiya şöbəsinə yerləşdiriliblər. Həkimlərin səyinə baxmayaraq sürücünün həyatını xilas etmək mümkün olmayıb. Faktla bağlı cinayət işi başlanılıb, istintaq aparılır.