Qəbələdə də seçki prosesində aktivlik müşahidə olunub. 116 saylı Qəbələ seçki dairəsi üzrə ümumilikdə seçkilərin sayı 54 066 nəfərdir. İlk dəfə səs verəcək şəxslərin sayı isə 530 nəfərdir. 2 saylı seçki məntəqəsində bu gün ad günü olan və ilk dəfə səs verəcək 10 seçiciyə MSK tərəfindən hədiyyələr təqdim olunub.

M116 saylı Qəbələ seçki dairəsinin 3 saylı seçki məntəqəsində də seçici aktivliyi müşahidə olunur. 116 saylı Qəbələ seçki dairəsinin 42 saylı seçki məntəqəsində də səsvermə davam edir.Seçicilərin 33,77 faizi artıq öz hüququndan istifadə edib. Onların arasında ilk dəfə səs verən seçicilər də var. Səsvermə prosesi saat 19:00-da yekunlaşacaq...

113 saylı Qax – Şəki Dairə Seçki Komissiyasına daxil olan 73 seçki məntəqəsində 54 437 seçici qeydə alınıb. Məntəqələrdə 1 114 müşahidəçi və seçkiyə qatılan vətəndaşlar üçün tamamilə seçkiyə uyğun, rahat şərait yaradılıb.

60 -ı Qax, 13-ü isə Şəki rayonu ərazisində yerləşən məntəqələrdə ümumilikdə seçici fəallığı müşahidə olunub. Dairə üzrə ilk dəfə səsvermə hüququ olan şəxslər 517 nəfərdir. 5 nəfərin isə bu gün 18 yaşı tamam olduğundan məhz bu gün ilk dəfə səsvermə hüququ qazanıblar.

Əsasən azsaylı xalqların yaşadığı Zaqatala və Balakən rayonlarında da seçki məntəqələrinin açıldığı ilk dəqiqələrdən başlayaraq seçicilərin aktivliyi müşahidə olunur. 12 saylı Zaqatala DSK-nın Yuxarı Tala kəndində yerləşən 40 saylı seçki məntəqəsində hələlik hər hansı qanun pozuntusu qeydə alınmayıb

Əliabad qəsəbəsində də seçicilər elə seçkilərin başlandığı ilk dəqiqələrdən etibarən məntəqələrə gələrək öz namizədlərinə səs verirlər. Qəsəbədə yerləşən 15 saylı seçki məntəqəsində proses uğurla davam edir. Səsvermə prosesi saat 19:00-da yekunlaşacaq...

Şamaxıda növbədənkənar parlament seçkilərində səsvermə hüququna malik seçicilər arasında 100 yaşını ötənlər də var. Onlardan biri də 88 saylı DSK-nın 16 saylı məntəqəsində qeydiyyatda olan Matauş Dövlətovadır. 2 əsrin canlı şahidi, 4 övlad, 50-dən artıq nəvə-nəticə sahibi olan 102 yaşlı Matauş nənə səhhətində problem yarandığından seçki qutusunun evinə gətirilməsi üçün müraciət edib.

Onun istəyinə uyğun olaraq evinə səyyar seçki qutusu gətirilib. O, sərbəst şəkildə bülleteni dolduraraq səsvermə hüququndan istifadə edib. Yaxınları Matauş nənənin bundan əvvəl də seçkilərdə fəal iştirak etdiyini bildiriblər.

Qeyd edək ki, 88 saylı Şamaxı seçki dairəsi üzrə 51 114 seçici qeydiyyata alınıb. Onlardan 608 nəfəri parlament seçkilərində ilk dəfə səs verəcək. Rayon üzrə yaşı 100-ü ötən seçicilərin sayı isə 5 nəfərdir.

Ümumilikdə 1407 nəfər səs vermək üçün qeydiyyatdan keçib, saat 2-yə olan məlumata əsasən onlardan 380 nəfəri artıq səsvermədə iştirak edib. Onu da qeyd edək ki, həyatında ilk dəfə səsvermədə iştirak edən Şəkinin Qoxmuq kənd sakini Çinarə Camalova bu gün ikiqat sevinc hissi yaşayıb.

Sentyabrın 1-də 18 yaşı tamam olan Çinarə Camalova səs vermək üçün seçki məntəqəsinə gələrkən, xoş sürprizlə qarşılaşıb. Dairə seçki komissiyasının nümayəndəsi və 32 saylı məntəqə seçki komissiyasının sədri gənc seçicini doğum günü münasibətilə təbrik edərək, ona Mərkəzi Seçki Komissiyası tərəfindən göndərilmiş “İlk dəfə səs verən seçici” vəsiqəsini təqdim ediblər.

Şəkidə fizika- riyaziyyat-humanitar təmayüllü liseyin binasındakı 18 saylı seçki məntəqəsində səsvermə prosesinə müşahidəçilərin iştirakı ilə start verilib. Səhər saatlarından məntəqəyə üz tutan seçicilər konstitusion hüquqlarından istifadə edir, öz namizədlərinə səs verirlər.

Seçki prosesinin başlamasından öncə bütün lazımı tədbirlər görülüb. Proses veb kameralar vasitəsilə də izlənilir. Məntəqə sədrinin məlumatına görə indiyədək hər hansı qanun pozuntusu qeydə alınmayıb.

Zaqatalada iki minik avtomobili toqquşub, dördü bir ailənin üzvü olmaqla 5 nəfər xəsarət alıb. Hadisə axşam saat 20 radələrində Yevlax-Zaqatala-Gürcüstan sərhəd magistiral yolunun rayonun Yuxarı Tala kəndi ərazisindən keçən hissəsində baş verib.

Hərəkətdə olan “Mersedes” markalı və “BMW” markalı iki minik avtomobilinin toqquşması nəticəsində 5 nəfər müxtəlif dərəcəli bədən xəsarəti alıblar. Yaralılar Zaqatala Rayon Mərkəzi Xəstəxanasının Cərrahiyyə şöbəsinə yerləşdiriliblər. Yaralılardan 4-ü bir ailənin üzvü olmaqla rayonun Aşağı tala kənd sakinləridi.

Bunlar 62 yaşlı Cəlil İspəndiyar oğlu Abbasov, 60 yaşlı Sevda İsmayıl qızı Abbasova, 7 yaşlı Enes Vüqar oğlu Abbasov və 15 yaşlı Tuncay Tural oğlu Balayevdi. Beşinci xəsarət alan şəxs isə rayonun Kürdəmir kənd sakini 29 yaşlı Elçin Çingiz oğlu Ramizlidi. Qəza zamanı xəsarət alanların hamısı xəstəxanada həkim nəzarətindədir. Faktla bağlı araşdırma aparılır.

Oğuz rayonunda ayı hücumu qeydə alınıb. Calut-2 qəsəbəsində məskunlaşmış Xocalı rayon sakini 62 yaşlı Əliyev Bakir Sabir oğlu yaylaq ərazisində mal-qara otararkən ayı anidən heyvanlara hücum edib. Heyvanları xilas etmək istəyən Bakir kişi özü ayının hücumuna məruz qalıb. Ayı onun əl ayaq nahiyələrini parçalayıb. Son anda heyvanların da ayının üstünə hücum etməsi nəticəsində ayının pəncələrindən qurtararaq ölümdən xilas ola bilib. Xəstə əvvəl Oğuz rayon xəztəxanasına gətirərək ilk yardım edilib, vəziyyəti ağır olduğu üçün Şəki RMX na gətirilib. Çoxsaylı müştərək travma alan xəstənin vəziyyəri hazırda stabil ağır hesab edilir.

Hadisə Əlicançay çayında qeydə alınıb. Belə ki, Oğuz rayon sakini, Teymur Əmrah oğlu Budaqov istirahət etmək məqsədilə çay sahilə gedib. O, çay kənarında yemək yeyib spirtli içki qəbul etdikdən sonra sərinləmək üçün çayda çimmək qərarına gəlib.

Teymur Budaqov spirtli içkinin təsiri altında çayda çimərkən boğularaq ölüb. Meyit çaydan çıxarılaraq aidiyyəti üzrə təhvil verilib. Faktla bağlı araşdırma aparılır.