Eyni zamanda prokurorluq orqanlarının ətraf mühitin mühafizəsi və ekoloji tarazlığın bərpa edilməsi istiqamətində digər dövlət qurumları ilə birgə gördüyü kompleks işlər barədə məlumat verib, yaşıl dünya naminə beynəlxalq əməkdaşlığın əhəmiyyətindən bəhs edib. Yaşıl dünya üçün hüquqi tənzimləmələrdən, təbii resurslar və bioloji çeşidliliyin qorunması, tullantıların idarə olunması, enerji effektliliyi və sair məsələlərdən bəhs edilib.

Seminar zamanı iştirakçılarla faydalı fikir mübadiləsi aparılıb, ekoloji hüquqpozmalara qarşı prokurorluq orqanlarının fəaliyyəti ilə bağlı onları maraqlandıran suallar cavablandırılıb.

Milli prokurorluq orqanlarının yaradılmasının 106-cı ildönümü, habelə ictimaiyyətin prokurorluq orqanlarının fəaliyyətinə marağı nəzərə alınaraq, Şəki rayon prokurorluğunda “Açıq qapı günü” təşkil edilib.

Şəki rayon prokurorluğunun yeni istifadəyə verilmiş inzibati binasında keçirilmiş tədbirdə məqsəd prokurorluq əməkdaşları üçün yaradılmış iş şəraiti, istifadədə olan kriminalistik texnika, habelə prokurorluğun tarixi keçmişi ilə media və qeyri-hökumət təşkilatlarının nümayəndələrini tanış etmək olub.

Tədbir zamanı Şəki rayon prokuroru, Baş Prokurorluğun əməkdaşı və digər prokurorluq əməkdaşları qurumun fəaliyyəti barədə dinləyicilərə ətraflı məlumat veriblər. Həmçinin ağır, çətin və şərəfli peşə olan prokurorluq əməkdaşının gündəlik həyat tərzindən bəhs edən “Valideynimin peşəsi” adlı qısa metrajlı filmi nümayiş olunub.

Daha sonra iştirakçılar inzibati bina, eləcə də kriminalistik texnika ilə əyani olaraq tanış olub, onlara “Elektron prokurorluq” informasiya sistemi göstərilib. Sonda xatirə fotoşəkli çəkdirilib.

Oğuz Rayon Polis Şöbəsinin əməkdaşları tərəfindən keçirilən əməliyyat zamanı narkotik vasitələrin qanunsuz dövriyyəsi ilə məşğul olan əvvəllər məhkum olunmuş Raqif Məmmədov, qardaşı Rövşən və tanışları Saleh Qəribov saxlanılıblar. Onlardan 436 qram heroin və 1 kiloqrama yaxın marixuana aşkarlanıb. Faktla bağlı cinayət işi başlanılıb, saxlanılanlan şəxslər barəsində həbs qətimkan tədbiri seçilib.

Şəkidə Azərbaycan və Gürcüstan gənclərinin beynəlxalq yay düşərgəsi keçirilir. Azərbaycanın Gənclər və İdman Nazirliyinin Gürcüstanın Təhsil, Elm və Gənclər Nazirliyi ilə birgə təşkil etdiyi yay düşərgəsinin 3-cü günündə Gənclərə “Effektiv Ünsiyyət və Komanda işi“ mövzusunda təlim keçirilib.

Təlimlərdə gənclər öz emosiyalarını anlamaq, idarə etmək, effektiv kommunikasiya və idarəetmə mövzularını öyrəniblər. Bu da onların şəxsi və peşəkar həyatlarında daha uğurlu və məhsuldar olmasına kömək edəcək. Qeyd edək ki, 5 gün davam edəcək düşərgədə gənclər üçün peşəkar təlimçilər tərəfindən interaktiv seminarlar və master-klaslar da keçiriləcək.

İsmayıllı rayonunun Qalınçaq kəndində yanğın hadisəsi baş verid. Gecə saatlarında baş vermiş yanğın səhərə yaxın söndürülüb. Yanğın nəticəsində Hacıyev Nuran Baloğlan oğluna məxsus ümumi sahəsi 200 kv.m olan hündürmərtəbəli 4 otaqlı evin yanan konstruksiyaları və əşyaları yanıb. Yaxınlıqdakı tikililər yanğından mühafizə olunub.Faktla bağlı araşdırma aparılır.

Zaqatalada yolu keçən sərxoş piyadanı maşın vurub. Hadisə Zaqatala şəhəri ərazisində baş verib. 29 yaşlı rayonun Aşağı Tala kənd sakini Elgiz Uluxanov avtomobil yolunun hərəkət zolağını keçən zaman “Nissan” markalı minik avtomobili tərəfindən vurulub.

Hadisə nəticəsində xəsarət alan E. Uluxanov Zaqatala Rayon Mərkəzi Xəstəxanasında lazəmi tibbi yardım göstərilib. E.Uluxanovun hadisə baş verən zaman içkili olduğu bildirilir. Faktla bağlı Zaqatala rayon Polis Şöbəsində araşdırma aparılır.