İndi isə hələ də davam etdirilən, yaşadılan qədim sənətkarlıq növlərindən biri - dulusçuluq haqqında danışacağıq. Azərbaycanın turizm mərkəzlərindən olan Şəki qədim sənət növlərini qoruyub saxlayan ustalarla da məşhurdur. Son dövrlər dulusçuluq sənətini yaşadanlar az olsa da Şəkidə bu qədim sənəti nəsildən-nəslə ötürən ailələr var.

Şəkidə ölümlə nəticələnən ağır yol-nəqliyyat hadisəsi baş verib. Gecə saatlarında M.F. Axundov küçəsində "Opel" markalı avtomobil motosiklet ilə toqquşub. Qəza nəticəsində 2 nəfər, motosikletin sürücüsü 42 yaşlı Natiq Abdullayev və sərnişini 46 yaşlı Mehman Camalov aldıqları xəsarətlərdən hadisə yerində ölüblər.

"Opel"in sürücüsü 30 yaşlı Turan Əzizli saxlanılıb. İlkin ehtimallara görə qəzaya yüksək sürət və yol hərəkət qaydalarının pozulması səbəb olub. Faktla bağlı araşdırma aparılır.

Bank sistemində həllini gözləyən bəzi problemlər vətəndaşları hələ də narahat etməkdədir. Bunlardan biri də bankomatların azlığıdır. Rayon mərkəzinə yaxın kəndlərdə yaşayan insanların bank xidmətlərinə əlçatanlığı olsa da, ucqarlarda adicə bankomatdan pul çəkmək üçün insanlar çətinliklərlə üzləşir. Əlverişsiz hava şəraitində, xüsusən avtobus, maşın tapıb mərkəzə getmək müşkülə çevrilir. Əməkdaşlarımız mövzu ilə bağlı Şəkidə araşdırma aparıb. İzləyək..