"Yaşıl Dünya Naminə Həmrəylik İli" çərçivəsində "Tullantılardan İncəsənətə" adlı sərgi təşkil olunub. Şəki-Zaqatala Regional Təhsil İdarəsi və Təhsil İşçiləri Azad Həmkarlar İttifaqının Şəki Rayon Komitəsinin birgə təşkilatçılığı ilə keçirilən tədbirdə müəllimlərin əl işlərindən ibarət sərgiyə baxış keçirilib. Sonra tədbir iştirakçıları “Yaşıl dünya naminə həmrəylik ili” çərçivəsində bir neçə sinifdə təşkil edilən açıq dərsləri izləyiblər.

Ardınca tədbirdə çıxış edənlər belə tədbirlərin müəllimlərin yaradıcılıq qabiliyyətlərinin inkişafı və ekoloji şüurun artırılması baxımından əhəmiyyətini vurğulayıblar. Sərgi çərçivəsində təşkil edilən müsabiqənin qalibləri münsiflər heyətinin qərarı ilə müəyyənləşdirilib və qaliblərə mükafatlar təqdim edilib.