Oğuzda baş verən qəzada 3 nəfər xəsarət alıb. Hadisə rayonun Kərimli kəndi ərazisində qeydə alınıb. Oğuz rayon sakini, 61 yaşlı Şahin Məmmədovun idarə etdiyi “Hyundai” markalı avtomobil yoldan çıxaraq ağaca dəyib. Hadisə nəticəsində sürücü, onun həyat yoldaşı 61 yaşlı Esmira Məmmədova və avtomobildə olan daha bir qadın sərnişin xəsarət alıb.

Yaralılar Oğuz Rayon Mərkəzi Xəstəxanasına yerləşdiriliblər. Məlumata görə, qəzada xəsarət alan Esmira Məmmədova və avtomobildə olan digər qadın sərnişin məktəbdə müəllim işləyirlər. Qəzanın Şahin Məmmədovun həyat yoldaşını məktəbə apararkən baş verdiyi bildirilir. Faktla bağlı araşdırma aparılır.