Şəkidə iki avtomobilin toqquşması nəticəsində beş nəfər xəsarət alıb. Hadisə gecə saatlarında Qaraməryəm-İsmayıllı-Şəki magistralının Şəki şəhəri ərazisindən keçən hissəsində baş verib. "Mercedes" və "Toyota" markalı iki avtomobil toqquşub.

Şəki sakinləri - 8 yaşlı Həsrət Əhmədli, 39 yaşlı Gülnar Kərimova, 35 yaşlı Ziyad Mahmudov, Bakı sakinləri - 57 yaşlı Tamella Qədirova və 60 yaşlı Təmraz Qədirov müxtəlif dərəcəli bədən xəsarətləri ilə Şəki Rayon Mərkəzi Xəstəxanasına yerləşdirilib. Onlardan artıq dördü tibbi yardım göstərilərək evə buraxılıb, “Mercedes”in sürücüsü Ziyad Mahmudovun isə müalicəsi davam edir. Faktla bağlı araşdırma aparılır.