Şəkidə gecə saatlarında İran vətəndaşının idarə etdiyi bitum daşıyan yük avtomobili aşıb. Hadisə Şəki-Qax magistralının Şəkinin İnçə kəndindən keçən hissəsində baş verib.
Hadisə nəticəsində avtomobildə olan maye yola dağılıb. Həmin istiqamətdə nəqliyyat vasitələrinin təhlükəsizliyini təmin etmək məqsədilə avtomobillərin hərəkətinə məhdudiyyət tətbiq edilib.
Hadisənin yük avtomobilinin əyləc sistemində yaranan problem nəticəsində baş verdiyi bildirilir. Xəsarət alan olmayıb.
Bazar ertəsi, 07 Oktyabr 2024 09:14
İran vətəndaşının idarə etdiyi bitum daşıyan maşın aşdı
