Şamaxıda müasir Azərbaycan dövlətinin memarı və qurucusu, xalqımızın ümummilli lideri Heydər Əliyevin vəfatının 20-ci ildönümü ilə bağlı anım tədbiri keçirilib. Şamaxı Rayon İcra Hakimiyyətinin rəsmiləri, hüquq-mühafizə orqanlarının, idarə və müəssisələrin kollektivi, rayon ictimaiyyətinin nümayəndələri Heydər Əliyev adına parkda Ulu Öndərin abidəsi önünə gül dəstələri düzüb, əziz xatirəsi ehtiramla yad edilib. Rayon mədəniyyət mərkəzində təşkil olunan “Heydər Əliyev: Xalqa həsr olunmuş ömür” adlı tədbirdə çıxış edənlər Ulu Öndər Heydər Əliyevin Azərbaycana rəhbərliyi dövründəki siyasi fəaliyyəti, misilsiz tarixi xidmətləri ilə bağlı danışıblar. Qeyd olunub ki, Ulu Öndər Heydər Əliyev müstəqilliyimizin memarı, dövlətçiliyimizin xilaskarıdır. Sonra ümummilli lider Heydər Əliyevin həyat və fəaliyyətinə həsr edilmiş film nümayiş olunub Ulu Öndər Heydər Əliyevin vəfatının iyirminci ildönümü ilə əlaqədar şəkililər də dahi rəhbərin abidəsini ziyarət edərək, önünə gül-çiçək dəstələri qoyub, xatirəsinə hörmət və ehtiramlarını ifadə ediblər. Ardınca tədbir iştirakçıları Heydər Əliyev Mərkəzinin foyesində ümummilli liderin həyat və fəaliyyətini əks etdirən fotosərgiyə baxış keçiriblər. Tədbirin rəsmi hissəsində vurğulanıb ki, Ulu Öndər Heydər Əliyevin müdrik siyasəti Azərbaycanı dərin siyasi, iqtisadi, sosial və psixoloji böhrandan çıxararaq, müstəqilliyin əbədi yolu ilə inamla irəliləməsi üçün zəmin yaratdı. Bu gün Ümummilli Lider Heydər Əliyevin banisi olduğu müstəqil Azərbaycan möhkəm bünövrə üzərində daha da zirvələrə ucalmaqdadır. Sonda Ulu öndərin 100 illik yubileyinə həsr olunan "Heydər Əliyev Liderin ürəyi" adlı sənədli filmə ictimai baxış olub. ...Şəki Rayon Psixiatriya Xəstəxanasında da Ümummilli lider Heydər Əliyevin anım günü ilə əlaqədar tədbir keçirilib. Xəstəxana kollektivinin iştirak etdiyi tədbirdə çıxış edənlər bildirib ki, tarixə öz adını əbədi həkk etmiş nadir şəxsiyyətin, qüdrətli siyasi xadimin həyat və fəaliyyəti hər bir Azərbaycan vətəndaşının qürur mənbəyinə çevrilib. Onun ölkəmizə rəhbərlik etdiyi illər tariximizə intibah, milli tərəqqi, milli oyanış, müstəqil dövlət quruculuğu dövrü kimi daxil olub. Daha sonra isə Heydər Əliyevin həyat və fəaliyyətindən bəhs edən videoçarx nümayiş olunub. Qəbələdə də Ümummilli Lider Heydər Əliyevin xatirəsi izdihamla anılıb. Səhər saatlarından başlayan Anım Günündə rayon rəhbərliyi, hüquq-mühafizə orqanlarının, idarə və müəssisələrin, təhsil və səhiyyə qurumlarının əməkdaşları, şəhid ailələri, müharibə iştirakçıları, eləcə də rayonda səfərdə olan Azərbaycan Şahmat Federasiyasının rəsmiləri, beynəlxalq şahmatçılar iştirak ediblər. Ulu Öndərin şəhərin mərkəzində yerləşən abidəsi ziyarət olunub, xatirəsi ehtiramla yad edilib. Ümummilli Lider Heydər Əliyevin vəfatının 20-ci ildönümü Zaqatala rayonunda da böyük ehtiramla anılıb. Rayon rəsmiləri, ictimaiyyət nümayəndələri səhər saatlarından başlayaraq Ulu Öndərin Zaqatala şəhərindəki mədəniyyət və istirahət parkında ucaldılan abidəsi önünə gül dəstələri düzüb, xatirəsini ehtiramla yad ediblər. Sonra rayondakı Heydər Əliyev Mərkəzində “Zəfərlərimizin banisi – Heydər Əliyev” mövzusunda elmi-praktik konfrans keçirilib. Ulu Öndərin xatirəsinə həsr edilmiş film nümayiş olunub.Konfransda çıxış edənlər zəngin və mənalı həyatını Vətəninə, xalqına həsr edən Ümummilli Liderin əvəzsiz xidmətlərindən danışıblar. Bildirilib ki, Azərbaycan xalqının XX əsrin ortalarından sonrakı tarixi taleyində mühüm rol oynayan Heydər Əliyev tarixin ən çətin və mürəkkəb ictimai-siyasi şəraitində mənsub olduğu xalqı zamanın qasırğalarından qoruyub çıxarmağı və irəli aparmağı bacarıb. Ulu Öndər Heydər Əliyevin xatirəsi Qax rayonunda da ehtiramla anılıb. İctimaiyyət nümayəndələri dahi rəhbərin şəhərin mərkəzi meydanında ucalan abidəsini ziyarət edib, önünə gül dəstələri düzüblər. Heydər Əliyev Mərkəzində keçirilən rayon tədbirinrdə çıxış edənlər vurğulayıb ki, Azərbaycanın çağdaş tarixinin böyük bir dövrü Ümummilli Lider Heydər Əliyevin adı ilə bağlıdır. Məhz müdrik dövlət xadimi Heydər Əliyev Azərbaycan dövlətçiliyini xaos və böhrandan çıxarıb, vətəndaş müharibəsinin qarşısını alıb, cəbhədə məğlubiyyətlər seriyasına son qoyub, atəşkəs rejiminin tətbiqinə nail olub, bir sözlə, xalqımızın taleyində misilsiz xilaskar missiyasını şərəflə yerinə yetirib.