Sumqayıt şəhəri 16 nömrəli tam orta məktəbin kitabxanasına Vətənimizin ərazi bütövlüyü uğrunda döyüşlərdə şəhid olmuş gizir Elmar Nəsibovun adı verilib. 16 saylı məktəbin və Almaniya Türk Dərnəyinin birgə təşəbbüsü ilə həyata keçirilən layihənin açılış mərasimində şəhid ailələri, qazilər iştirak edib. Kitabxananın girişində şəhidin adı yazılmış lövhə yerləşdirilib, otaqda qəhrəman şəhidimizin həyat və döyüş fəaliyyətini əks etdirən guşə yaradılıb. Çıxış edənlər şəhidimizin şərəfli ömür yolundan danışıb, Vətən uğrunda canını fəda edən igidlərimizin heç zaman unudulmayacağını vurğulayıblar. Ardınca məktəbin şagirdlərinin ifasında ədəbi-bədii kompozisiya nümayiş olunub.