Şəki Regional Ədliyyə İdarəsində 27 Sentyabr - Anım Günü ilə bağlı tədbir keçirilib. Tədbirdə Ədliyyə Nazirliyinin qurumlarının əməkdaşları, şəhid ailələri iştirak ediblər. Çıxış edənlər  ölkəmizin ərazi bütövlüyü uğrunda canlarını fəda edən şəhidlərimizi dərin ehtiramla yad edib, onların şücaətlərindən bəhs ediblər.  Vurğulanıb ki, Prezident, Ali Baş Komandan İlham Əliyevin müdrik və qətiyyətli rəhbərliyi ilə müzəffər Ordumuzun rəşadəti sayəsində torpaqlarımızın Ermənistanın işğalından azad edilməsi və uzun illər davam etmiş bu ədalətsizliyə son qoyulması xalqımızın tarixinə qızıl hərflərlə yazılmış qəhrəmanlıq salnaməsidir.