Qaraməryəm-İsmayıllı-Şəki magistiral yolunun Şəki rayonunun Köbər Zəyzid kəndi ərazisindən keçən hissəsində ağır yol nəqliyyat hadisəsi baş verib. 34 yaşlı Nicat Mirzəyevin sükanı arxasında olduğu “Mercedes” markalı avtomobil idarəetməni itirib və yoldan çıxaraq ağaca çırpılıb. Hadisə nəticəsində sürücü və avtomobildə olan 3 azyaşlı, 2 yaşlı Uğuz Mirzəyev, 10 yaşlı Aysun Mirzəyeva, 11 yaşlı Nuray Mirzəyeva vəfat edib. Azyaşlıların anası 31 yaşlı Qızxanım Mirzəyeva isə müxtəlif dərəcəli bədən xəsarətləri alıb. Hadisə yerinə FHN nin xilas ediciləri cəlb olunaraq meyidlər və müxtəlif dərəcəli bədən xəsarətləri alan 31 yaşlı sərnişin Qızxanım Mirzeyeva sıxılmış maşından xilas ediliblər. Qızxanım Mirzəyeva Şəki Mərkəzi xəstəxanasına çatdırılıb, hazırda reanimasiya şöbəsində travmatik şok diqnozu ilə müalicə edilir. Faktla bağlı araşdırma aparılır.
