Şamaxı rayon Göylər kənd 2 saylı tam orta məktəbində elektron kitabxananın açılış mərasimi keçirilib. Ulu öndər Heydər Əliyevin anadan olmasının 100 illiyi və 2023-cü ilin Heydər Əliyev ili elan edilməsi ilə əlaqədar Bakı Dövlət Universitetinin Sosial elmlər və psixologiya fakültəsi tərəfindən Şamaxı rayon Göylər kənd 2 saylı tam orta məktəbində qurulan elektron kitabxana müəllim və şagirdlərin istifadəsinə verilib. Tədbirdə  Dağlıq Şirvan Regional Təhsil İdarəsinin, Şamaxı Rayon İcra Hakimiyyətinin, Bakı Dövlət Universitetinin və İsrailin Holon Texnologiya İnstitunun rəsmiləri iştirak ediblər. Çıxış edənlər hər cür texniki avadanlıqlarla təchiz edilmiş   kitabxana haqqında geniş məlumat verib. Sistemin iş prinsipi, üstünlüklərindən, eləcə də müəllim və şagirdlər üçün  əhəmiyyətindən danışıblar. Ardınca tədbir iştirakçıları və qonaqlar kitabxanaya baxış keçiriblər. Sonda məktəbdə şagirdlərin dərs posesi izlənilib, şagirdlərlə söhbət edilib.