Ümumilli lider Heydər Əliyevin anadan olmasının 100 illiyi münasibətilə 7 mayda keçiriləcək möhtəşəm konsertdə ölkənin tanınmış incəsənət adamlarının, musiqi qruplarının nümunəvi çıxışları baş tutacaq. Həmin gün regionun ürəyi Şəkidə döyünəcək. Konsert sözün əsl mənasında, ümummilli liderin xatirəsinə dəyərli bir tövhə olacaq. Konsertin möhtəşəmliyi bölgədə səs-küy yaratmaqla yanaşı, şimal-qərb bölgəsinin sakinlərinin də marağına səbəb olub. Elə ona görə də həmin günü səbirsizliklə gözləyənlər az deyil. Biz də öz növbəmizdə hərkəsi 7 mayda Şəkiyə, bayraq meydanından baş tutacaq təntənəli konsertə dəvət edirik.