Şamaxıda Novruz bayramı ərəfəsində hazırlıq işlərinə başlanılıb. Rayonun küçə və meydanlarında, həmçinin şəhərin girişindəki dairəvi yol kənarında müxtəlif tərtibatlarda Novruz bayramı atributlarının quraşdırılması nəzərdə tutulur. Bu məqsədlə Şamaxı İncəsənət Təhsili Mərkəzinin rəssamlıq şöbəsinin şagirdlərinin iştirakı ilə baharın gəlişini özündə ehtiva edən xüsusi tərtibatla hazırlanmış kəpənəklərin rənglənməsi işləri aparılır. Uşaqların nəfis rəng çalarları ilə hazırladıqları kəpənəklər şəhərin müxtəlif istiqamətlərində müəyyən olunmuş ərazilərdə yerləşdirililəcək ki, bu da bayram ərəfəsində rayona səfər edəcək qonaqların, eləcə də rayon sakinlərinin və uşaqların zövqünü oxşayacaq.