Zaqatalada 70 yaşlı rəssam 52 yaşlı gözətçini qətlə yetirdi. Hadisə rayonun Fındıqlı kəndi ərazisində, 70 yaşlı Qriqoriy Burqandinova məxsus fındıq bağında baş verib. Qriqoriy Burqandinovla Zaqatala şəhər sakini 52 yaşlı Elxan Xəlilov arasında şəxsi münasibətlər zəmnində mübahisə baş verib.
Mübahisə zamanı Qriqoriy Burqandinov əlində olan spirtli içki şüşəsi ilə Elxan Xəlilovun baş nahiyəsindən zərbə endirib. Ağır xəsarət alan Elxan Xəlilov hadisə yerində ölüb. Qriqoriy Burqandinov cinayəti törətdikdən sonra hadisə yerindən qaçıb. İsti izlərlə keçirilmiş əməliyyat-axtarış tədbirləri nəticəsində Elxan Xəlilovu öldürməkdə şübhəli sayılan Qriqoriy Burqandinov tutularaq istintaqa cəlb edilib.
Məlumata görə, qətlə yetrilən Elxan Xəlilov Qriqoriy Burqandinovun fındıq bağının yaxınlığında olan başqa bir bağda gözətçi işləyirmiş. Qətli törətməkdə şübhəli sayılan Qriqoriy Burqandinov isə rəssamlıq sənəti ilə məşğul olub. Faktla bağlı Zaqatala rayon prokurorluğunda cinayət işi başlayıb, araşdırma aparılır.
