Çərşənbə, 24 Avqust 2022 13:02

“İdeyadan biznesə” mövzusunda düşərgəyə start verilib...

“İdeyadan biznesə” mövzusunda düşərgəyə start verilib...
Azərbaycan Respublikası Gənclər Fondunun dəstəyi, Azərbaycan Könüllü Təşkilatları İttifaqının tərəfdaşlığı ilə keçirilən“Yay Fest - Azərbaycan Gənclər Festivalı” çərçivəsində “Regional İnkişaf” İctimai Birliyinin (RİİB) təşkilatçılığı ilə “İdeyadan biznesə” mövzusunda düşərgəyə start verilib. RİİB-in “İdeyadan biznesə” (I2B) layihəsi çərçivəsində 22-26 avqust tarixlərində təşkil olunan düşərgəyə respublikanın müxtəlif regionlarından innovasiyalar, texnoloji yeniliklər və startaplara maraq göstərən 220 gənc qatılıb. Düşərgənin açılış mərasimində çıxış edənlər bu cür layihə və tədbirlərin gənclərin hərtərəfli inkişafı, onların dünya görüşünün, bilik və bacarıqlarının artırılması, eyni zamanda yay mövsümündə asudə vaxtlarının səmərəli təşkilində əhəmiyyətindən danışıblar. Daha sonra qonaqlar iştirakçıları maraqlandıran sualları cavablandırıb, onlarla fikir mübadiləsi aparıblar. Tədbir konsert proqramı ilə davam edib. Düşərgənin daha maraqlı və yaddaqalan olması, gənclər arasında sağlam həyat tərzinin təbliği məqsədilə müxtəlif intellektual, əyləncəli yarışlar, idman oyunları, müsabiqələr, yaradıcılıq gecələri və konsert proqramlarının keçirilməsi nəzərdə tutulub. Xatırladaq ki, “İdeyadan biznesə” layihəsi ölkəmizdə startap hərəkatının inkişafı, gənclərə biznes ideyalarının həyata keçirilməsinə dəstək verilməsi, regionlarda innovasiyaların və texnologiyaların təşviqinin genişləndirilməsi, paytaxt və regionlarda innovasiya ekosistemi üzrə genişmiqyaslı əməkdaşlıq platformasının formalaşdırılması məqsədi daşıyır.

Media

XƏBƏR XƏTTİ

Ünvan: Azərbaycan, Şəki, AZ5500, 20 yanvar küç. Qaynar xətt: +994 50 201 93 93 Tel.: +994 24 244 6875 Fax: +994 24 244 13 71 E-mail: Bu email ünvanı spambotlardan qorunur. Onu görmək üçün JavaScripti qoşmaq lazımdır.

© 2021 Copyright: KANAL S