Dövlət İmtahan Mərkəzini Şəkidə ali təhsil müəssisələrinə I ixtisas qrupu üzrə qəbul imtahanı keçirib. İmtahanların keçirilməsi üçün Şəkidə 5 mərkəz ayrılıb. Qəbul imtahanları Şəki şəhərindəki 8, 11, 12 nömrəli və Qoxmuq kənd tam orta məktəblərində, həmçinin fizika-riyaziyyat və humanitar təmayüllü liseydə təşkil olunub. Ümumilikdə, 1288 abituriyentin iştirakının nəzərdə tutulduğu imtahanların idarə olunmasına 17 imtahan rəhbəri və 122 nəzarətçi-müəllim cəlb edilib. İmtahanların keçirilməsi üçün 101 zal ayrılıb. İmtahan zallarında abituriyentlərin rahat şəkildə imtahan verməsi üçün zəruri şərait yaradılıb. İmtahan saat 11:00-da başlanıb və 3 saat davam edib. Bütün imtahan mərkəzlərində I ixtisas qrupu üzrə qəbul imtahanları mövcud təlimata uyğun şəkildə aparılıb və heç bir qanun pozuntusuna yol verilməyib.