Şəkidə gecə saatlarında ağır yol-nəqliyyat hadisəsi baş verib
Hadisə Şəki-Qax avtomobil yolunun İnçə kəndindən keçən hissəsində qeydə alınıb.
Şəki sakini, 37 yaşlı Ruslan Zeynalova məxsus BMW markalı avtomobil idarəetmədən çıxaraq körpüdən çaya düşüb. Nəticədə Ruslan Məmmədov və sərnişini 39 yaşlı Ramil Teymurov avtomobildə sıxılmış vəziyyətdə qalıb.
Onları xilas etmək üçün Fövqəladə Hallar Nazirliyinin Dövlət Yanğından Mühafizə Xidmətinin Qəza Xilasedici dəstəsi cəlb olunub. Avtomobildə sıxılmış vəziyyətdə qalan iki nəfər çıxarılaraq Şəki Rayon Mərkəzi Xəstəxanasına yerləşdirilib.
Xəstəxanadan verilən məlumata görə, yaralıların hər ikisinin vəziyyəti ağır qiymətləndirilir. Faktla bağlı araşdırma aparılır.
