Şəkinin Cəyirli kəndində universal döyüş növləri üzrə Şəki çempionatı keçirilib. 100-ə yaxın idmançının iştirak etdiyi yarışda müxtəlif yaş və çəki qrupunda  olan idmançılar güclərini sınayıblar. İdmançılar arasında yığma komandanın tərkibində iştirak edənlər də olub. Yarışın kənddə keçirilməsində məqsəd kənd gəncləri arasında idmana olan marağı artırmaq, yeni idmançılar yetişdirmək və gənclərin asudə vaxtının səmərəli təşkilidir. Sonda qalib idmançılar mükafatlandırılıb.  

İpək qurdunun bəslənməsi dövrü cəmi 30 günü əhatə edir. Kümçülərin sözlərinə görə,bu dövrdə ən çətin məqam da elə barama qurdunun 4-cü yuxudan ayıldığı son 8 gündür. Bu dövrdə barama yaxşı qidalanmalıdır ki, keyfiyyətli olsun.  Ötən il rayon üzrə kümçülərə paylnılan 1350 qutu ipək qudundan 42 ton 250 kq barama tədarük edilib. Bu il isə bu rəqəmin bir qədər aşağı olacağı gözlənilir. Belə ki,bu il kümçlərə 750 qutu ipək qurdu paylanılıb. Rayon üzrə bu il 36 ton baramanın tədarük ediləcəyi proqnozlşdıılır. Toxumun ötən illə müqayisədə az paylanılması isə hava şəraiti və  yem bazasının azlığı ilə əlaqələndirilir. Qarşıdakı illərdə isə rayonda salınan yeni tut bağları heabına yem bazası istiqamətində yaşanan bu poblem birdəfəlik həll ediləcək.

Şəki şəhər Uşaq Gənclər İdman Şahmat Məktəbinin təşkilatçıliğı ilə şahmat həvəskarı Elvin Məmmədovun xatirəsinə həsr olunan xatirə şahmat turniri keçirilib. Turnirdə 5 yaş qrupu üzrə 132 şahmatçı fəxri yerlər uğrunda mübarizə aparıblar. İsveçrə sistemiylə keçirilən yarış 9 turdan ibarət olub. Gərgin və maraqlı mübarizə şəraitində keçən turnirin yekununda hər yaş qrupundan oğlan və qız qruplarından ən çox xal toplayan 3 nəfər olmaqla 30 yarışçı kubok, diplom və pul mükafatları ilə təltif ediliblər. Bundan əlavə, ən kiçik yaşlı şahmatçı adına laiq görülən 2 nəfər diplom və kubokla mükafatlandırılıb. 

İsmayıllıda avtomobil çayda batıb. Lahıc qəsəbəsində Girdiman çayı Zərnava kəndi istiqamətində hərəkət edən “UAZ” markalı avtomobili aparıb. Hadisə vaxtı avtomobildə olan şəxslər xilas ola bilsələr də, yolsuzluq şəraiti üçün nəzərdə tutulmuş maşın tamamilə yararsız vəziyyətə düşüb. Qeyd edək ki, 800 nəfərdən çox əhalisi olan Zərnava kəndinə yay mövsümündə yolsuzluq üçün nəzərdə tutulmuş avtomobillərlə, qış mövsümündə isə 8 km məsafədə atla və ya piyada getmək mümkündür. Piyadalar kəndə gedərkən Girdiman çayı üzərində olan məşhur asma körpüdən istifadə edirlər.

Şəkinin Aşağı Layısqı kəndində Vətən uğrunda canından keçən 4 şəhidimizin xatirəsi əbədiləşdirilib. Bu məqsədlə kənddə xatirə bulaq kompleksi istifadəyə verilib. Tədbirdə ictimaiyyət nümayəndələri, şəhidlərin yaxınları, qazilər iştirak ediblər. Çıxış edənlər vətən oğullarının qəhrəmanlığından, qorxmazlığından, ordumuzun əzmindən danışıb, şəhidlərlə bağlı xatirələrini bölüşüblər. Vurğulanıb ki, belə fədakar igidlərimizin xatirəsi  heç  zaman unudulmayacaq. Rəsmi hissədən sonra şagirdlərin ifasında vətənpərvəlik ruhunda şeirlər səsləndirilib.