Şəkidə oğurluq edən maskalı şəxslər tutulub. Polis Şöbəsinə rayonun Şorsu kənd sakininə məxsus xırdabuynuzlu heyvanların oğurlanması barədə məlumat daxil olub. Keçirilən əməliyyat nəticəsində cinayət əməlini törətməkdə şübhəli bilinən rayon sakinləri, əvvəllər də oğurluğa görə məhkum olunmuş - Saleh Əliyev, Şahid Ballıyev və Elton Paşayev saxlanılıb.

Onlar maskalı şəkildə zərərçəkənin həyətyanı sahəsinə daxil olaraq heyvanları oğurladıqlarını və müxtəlif şəxslərə sataraq əldə etdikləri qazancı aralarında böldüklərini bildiriblər. Faktla bağlı cinayət işi başlanılıb, saxlanılanlar barəsində məhkəmənin qərarı ilə həbs qətimkan tədbiri seçilib.

“Yaşıl dünya naminə həmrəylik ili” və Zəfər gününə həsr olunmuş ekoloji aksiyalar davam edir. Şəkidə Pedaqoji Universitetin Şəki filialı və MEA Şəki Regional Elmi mərkəzinin birgə təşkilatçılığı ilə növbəti ekoloji aksiya keçirilib. Aksiyada Vətən müharibəsində 44 günə qazanılan şanlı qələbənin şərəfinə 44 ədəd ağac əkilib, ağaclara aqrotexniki qulluq göstərilib.

Ümumlikdə isə Universitetin Şəki filialı tərəfindən rayon ərazisində ekoloji mühitin yaxşılaşdırılması və yaşıllıqların artırılmasına dəstək məqsədilə həyata keçirilən ekoloji aksiyalarda 400-dən artıq ağac əkilib. Ekoloji aksiya başa çatdıqdan sonra şəhidlərin əziz xatirəsi anılıb, zəfər gününə həsr olunan çıxışlar edilib. Tədbirin sonunda xatirə şəkli çəkilib.

Zəfər gününə həsr olunan turnir start götürdü.

Şəkinin Baltalı kəndində fərdi yaşayış evi yanıb. Gecə saatlarında kənd sakini 54 yaşlı Camal Hüseynova məxsus yaşayış evində baş verən yanğının söndürülməsi üçün əraziyə Fövqəladə Hallar Nazirliyinin Şəki yanğından mühafizə xidmətinin əməkdaşları cəlb olunub.

Hadisə nəticəsində ümumi sahəsi 130 kvadratmetr olan ev və ona bitişik ümumi sahəsi 78 kvadratmetr olan talvar yanıb. Xoşbəxtlikdən xəsarət alan olmayıb. Faktla bağlı araşdırma aparılır.

Hadisə Zaqatala Rayon Mərkəzi Xəstəxanasının Doğum Şöbəsində qeydə alınıb. Belə ki, rayonun Yengiyan kənd sakini 2000-ci il təvəllüdlü S.Məmmədova doğuş üçün xəstəxanaya müraciət edib. Noyabrın 1-də baş tutan doğuş zamanı körpə ölüb. Hadisə ilə bağlı müvafiq ekspertizalar təyin olunub. Faktla bağlı araşdırma aparılır.