Azərbaycan millisi Estoniya ilə qarşılaşmaya hazırdır

Bunu Qəbələdə - -UEFA Millətlər Liqasında Estoniya ilə keçiriləcək oyundan öncə keçirilən mətbuat konfransında Azərbaycan millisinin baş məşqçisi Fernandu Santuş deyib. O həmçinin bildirib ki, milli komanda ilə müqaviləsi 2028-ci ilə qədərdir.

Qeyd edək ki, Azərbaycan milli komandası C liqasının I qrupu çərçivəsində noyabrın 16-da Qəbələ şəhər stadionunda Estoniya yığması ilə qarşılaşacaq. Oyun saat 18:00-da başlayacaq.

Şəhid ailələri işğaldan azad olunan rayonlara səfər ediblər İsmayıllıdan olan şəhid ailə üzvlərinin, qazi və müharibə iştirakçılarının Şuşa və Xankəndi şəhərlərinə səfəri təşkil edilib. Səfər Təhsil İşçiləri Azad Həmkarlar İttifaqı, İsmayıllı Rayon İcra Hakimiyyəti və Regional Təhsil idarəsinin birgə təşkilatçılığı ilə reallaşıb. Məqsədsə Şəhid ailələrinə qəhrəman övladlarının fədakarlığı ilə azad edilmiş, Qarabağın döyünən ürəyi olan Şuşa şəhərini, eyni zamanda Xankəndini yaxından tanıtmaqdır. Şəhid ailələri övladlarının işğaldan azad etdiyi ərazilərin cənnətməkana çevrildiyinin, tikinti-quruculuq işlərinin sürətlə getdiyinin canlı şahidi olublar. Səfər onlarda xoş təəssürat yaradıb.

Şəhid Ramin Məmmədovun xatirə bulağının açılış mərasimi keçirilib

Şəkinin Qoxmuq kəndində 44 günlük Vətən müharibəsinin qəhrəman şəhidlərində olan – Ramin Məmmədovun xatirə bulağının açılış mərasimi keçirilib.

Şəhidin 27-ci doğum gününə təsadüf edən tədbirdə rayon rəsmiləri, şəhid ailələri və ictimaiyyət nümayəndələri iştirak edib. Çıxışlarda şəhidin qısa amma şərəfli ömür yolundan bəhs edilib, ardınca məktəblilər vətənpərvərlik ruhunda şeirlər səsləndirib. Sonda şəhidin xatirə bulağının açılışı baş tutub.

Dünya birliyinin “Yaşıl dünya naminə həmrəylik” devizi altında Bakıya yığışdığı COP29 tədbirlərində əsas müzakirə mövzusu karbon qazı emissiyasını və yanacaq materiallarından istifadəni azaltmaqdır. Bu missiyanı həyata keçirməyin yollarından biri də ekoloji təmiz nəqliyyat vasitələrinə keçiddir. Zaqatalanın ucqar Dağlı kəndində isə əhali artıq illərdir ki, belə vasitələrdən biri olan velosipeddən istifadə edir. Bu kənddə elə ev, elə insan tapılmaz ki, onun velosipedi olmasın.

Zaqatalada 37 yaşlı şəxs anafilaktik şokdan həyatını itirib. Muxax kənd sakini Rəfael Ramazanova yaşadığı ünvanda müalicə həkiminin təyinatı üzrə antibiotik vurulub. İynə vurulduqdan sonra Rəfael Ramazanovun vəziyyəti pisləşib və anafilaktik şok halına düşüb. TƏBİB-dən bildirilib ki, Rəfael Ramazanovla bağlı Rayon Mərkəzi Xəstəxanasının Təcili və təxirəsalınmaz tibbi yardım şöbəsinə çağırış daxil olub. Göstərilən zəruri tibbi yardıma baxmayaraq, "anafilaktik şok" diaqnozu ilə şəxsin ambulansda xəstəxanaya qədər ölüm faktı qeydə alınıb. Hadisə ilə bağlı rayon prokurorluğunda araşdırma aparılır.

Rayonlarda ekoloji aksiyalar davam edir. Qəbələdə keçirilən ağacəkmə aksiyasında Zarağan meşəbəyliyinin 6 saylı meşə zolağında, 4 ha ərazidə 6 666 qoz tingi əkilib. Relyefi uyğun olaraq seçilən qoz tingləri həm də təsərrüfat əhəmiyyətli və quraqlığa dözümlüdür.