Mədəniyyət Nazirliyinə məxsus obyekt yandı

Qaxda klub yanıb. Yanğın hadisəsi gecə saatlarında rayonun Əmbərçay kəndindəki Mədəniyyət Nazirliyinə məxsus klubda baş verib. Hadisə yerinə Qax Rayon Yanğından Mühafizə Hissəsinin yanğınsöndürən texnikaları cəlb edilib.Ümumi sahəsi 370 kvadratmetr olan klubun 320 kvadratmetri içərisindəki əşyalarla birlikdə tamamilə yanıb. Araşdırma aparılır.

Rayon Mərkəzi Xəstəxanasının Reanimasiya şöbəsində rayonun Çobankol kənd sakini 2 yaşlı Bəxtiyar Əliyev ölüb. Əldə olunan ilkin məlumata görə, azyaşlı pnevmoniya əlamətləri ilə xəstəxanaya daxil olub. Faktla bağlı Zaqatala rayon prokurorluğunda araşdırma aparılır.

Şəki-Zaqatala regional birinciliyində 7 idmançı ilə Şəkini təmsil edən idmançıların hər biri medal qazanıb. Bayraq Gününə həsr olunmuş yarışın qaliblərinin baş çəkdiyi ilk ünvan isə Şəhidlər xiyabanı olub. Altısı qızıl, biri isə gümüş medala sahiblənən idmançılar şəhidlərin məzarlarını ziyarət edib, önünə qərənfil qoyublar.

“Gələcəyə Nəfəs ol” devizi altında növbəti ağacəkmə aksiyası Zaqatalada keçirilib. Kürdəmir kəndinin meşə fondu torpaqlarında ümumilikdə 3, 5 hektar sahədə 8750 ədəd Göyrüc tingi əkilib. Əkin aparılan sahənin ətrafı bərkidilib, ağaclara aqrotexniki qulluq göstərilib.