Fövqəladə Hallar Nazirliyinin Dövlət Yanğın Nəzarəti Xidməti yanğın təhlükəsizliyinin təmin edilməsi istiqamətində tədbirləri davam etdirir. Şimal-Qərb regional Dövlət Yanğın Nəzarəti İdarəsi Qəbələ və Şəki rayonlarında ictimai iaşə obyektlərində maarifləndirmə xarakterli monitorinqlər keçirib.
Monitorinqlərin keçirilməsində əsas məqsəd qeyri-yaşayış obyektlərində insan həyatı və sağlamlığı üçün birbaşa təhlükə yarada biləcək sıxlaşdırılmış propan qaz balonlarının istifadəsinin qarşısının alınmasıdır. Monitorinqlər zamanı bəzi yanğın təhlükəsizliyi qaydalarının tələblərinə zidd olaraq qaz balonlarından istifadə halları aşkarlanıb.
