Zaqatalanın Yeni Suvagil kənd sakini, 27 yaşlı Əhməd Əliyev yanvarın 25-də yüksək temperaturla və penovmaniya əlamətləri ilə Zaqatala Mərkəzi Rayon Xəstəxanasının Təcili Tibbi Yardım şöbəsinə daxil olub.
Əhməd Əliyev bu gün xəstəxananın Reanimasiya şöbəsində dünyasını dəyişib. Mərhumun yaxınlarının sözlərinə görə, onda xəstəxanaya daxil olmazdan əvvəl yüksək hərarət olub.
Hadisə ilə bağlı TƏBİB-dən bildirilib ki, Əhməd Əliyev eyni tarixdə Terapiya şöbəsinə hospitalizasiya olunub, müayinə zamanı xəstədə "Gilyen Bar sindromu", "proqressivləşən polineyropatiya" aşkarlanıb.
