Şanlı tariximizə həkk olunmuş 44 günlük Vətən müharibəsinin qəhrəman igidlərindən olan şəhid Elçin Nadirovun xatirəsi anılıb. Şəhidimizin cənnətdəki 37-ci doğum günü münasibətilə keçirilən tədbir Şəkinin Köbər Zəyzid kənd tam orta məktəbinin şəhidin adını daşıdığı 6-cı sinfində baş tutub.
Çıxış edənlər Elçin Nadirovun qısa, lakin şərəfli ömür yolundan bəhs ediblər. Şəhidin anası Rəmziyyə Nadirova məktəblilərə üzərində qəhrəmanın şəkli olan döş nişanlarını hədiyyə edib. Məktəb kollektivi də şəhid anasını mükafatlandırıb. Tədbir məktəblilərin vətənpərvərlik ruhunda şeirləri ilə yekunlaşıb.
