Balakəndə narkotiklərin qanunsuz dövriyyəsində şübhəli bilinən Ruslan Hüseynov və Elbruz Əzimov tutulublar. Onlardan 10 kiloqram marixuana götürülüb. Saxlanılan şəxslər “Baba” kimi tanıdıqları İran vətəndaşı tərəfindən maddi gəlir qarşılığında narkokuryerliyə cəlb olunduqlarını bildiriblər.
Araşdırmalarla hər iki şəxsin əvvəllər də eyni əmələ görə məhkum olunduqları müəyyən edilib. Məhkəmənin qərarı ilə onların barəsində yenidən həbs qətimkan tədbiri seçilib. Keçirilən digər tədbirlərlə rayon ərazisində narkotiklərin qanunsuz dövriyyəsi ilə məşğul olan Emin Əhmədov, İntiqam Mustafayev, Araz Şindiyev və Əli Sofiyev də saxlanılıblar. Araşdırmalar davam etdirilir.
