Zaqatalada avtomobil ağaca çırpılıb, xəsarət alanlar var. Hadisə səhər saatlarında Yevlax-Zaqatala-Gürcüstan sərhəd magistiral yolunun Zaqatala rayonu Aşağı Tala kəndinin inzibati ərazisindən keçən hissəsində baş verib. Zaqatala rayon Bəhmətli kənd sakini, 1991-ci il təvəllüdlü Orxan Zahid oğlu Vəliyev irarə etdiyi “Lada Priora” markalı 90 XZ 447 dövlət nömrə nişanlı minik avtomobili ilə Zaqatala şəhəri istiqamətində hərəkətdə olarkən avtomobil idarəetmədən çıxaraq yolun kənarındakı ağaca çırpılıb. Qəza zamanı avtomobilin sürücüsü Orxan Vəliyev və onun sərnişini rayonun Lahıc kənd sakini 1995-ci il təvəllüdlü Coşqun Rafael oğlu Abdullayev aldıqları müxtəlif dərəcəli bədən xəsarətləri ilə Zaqatala Rayon Mərkəzi Xəstəxanasına yerləşdiriliblər. Yaralıların vəziyyətlərinin orta-ağır olduğu bildirilir. Faktla bağlı araşdırma aparılır.