İsmayıllıda \"Mersedes\" markalı yük avtomobili yolun kənarında dayanan minik avtomobilinin üzərinə aşıb. Hadisə Muğanllı-İsmayıllı- yolunun 6 km-də qeydə alınıb. Göycay rayon sakini , 61 yaşlı Nazim Veysəlov Avtomobil Yolları Dövlət Agentliyinə məxsus \"Mersedes\" markalı yük avtomobili ilə hərəkətdə olarkən idarə etməni itirib. Nəticədə yük maşını yolun kənarında dayanan \"VAZ 2107\" markalı avtomobilin üzərinə aşıb. Qəza zamanı \"Mersedes\"in sürücüsü Nazim Veysəlov və onun sərnişini 47 yaşlı Bakı şəhər sakini Vüqar İsmayılov xəsarət alıb və Şamaxı rayon mərkəzi xəstəxanasına aparılıblar. Xoşbəxtlikdən yolun kənarında dayanan \"VAZ 2107\" markalı avtobilin içərisində heçkim olmayıb. Fakta bağlı araşdırma aparılır.