Zaqatalada Gürcüstan vətəndaşının idarə etdiyi maşın aşıb. Qəza Yevlax-Zaqatala-Gürcüstan sərhəd-magistralının Qazangül qəsəbəsindən keçən hissəsində baş verib. Xaricdə istehsal edilən minik avtomobillərini daşıyan maşın hərəkətdə olarkən idarəetmədən çıxıb.
Yolun kənarındakı elektrik dirəyinə dəydikdən sonra kənardakı çökəkliyə aşıb. Qoşquda olan minik avtomobillərinə ziyan dəyib. Elektrik dirəyinin aşması nəticəsində magistral yolun işıqlandırılmasında fasilə yaranıb. Xəsarət alan yoxdur.
