Şəkidə ölümlə nəticələnən yol-nəqliyyat hadisəsi baş verib. Rayonunun Daşüz kənd sakini, 41 yaşlı Vüqar Mülayimov “Opel” markalı avtomobillə rayon ərazisində hərəkətdə olarkən idarəetməni itirib. Nəticədə nəqliyyat vasitəsi yolun kənarındakı ağaca dəyib, sonra aşıb.
Sürücü aldığı xəsarətlərdən yerində ölüb. Yol-nəqliyyat hadisəsi ilə bağlı bəzi təfərrüatlar da məlum olub. Belə ki, mərhum Vüqar Mülayimovun yeznəsi 48 yaşlı Telman İsaqov idarə etdiyi “VAZ-21099” markalı minik avtomobili ilə Şəkinin Çələbixan qəsəbəsi ərazisində qəza törədib.
Telman İsaqov və maşında olan sərnişin Elçin İbrahimxəlilov xəsarət alıblar. Hadisəni eşidən Vüqar Mülayimov yeznəsinin arxasınca gedərkən qəzaya düşüb və həyatını itirib. Faktla bağlı araşdırma aparılır.
