Həftə içi 5 gün səhər saat 09:00-dan 11:00-a kimi Kanal S-də "Xəbərin var?" adlı verilişin aparıcıları İsa Şükürov və Elyar Sadiqovdur.

Təbii fəlakət nəticəsində şəhərdə 4 nömrəli tam orta məktəbin keçmiş binasının dam örtüyü uçub. Eyni zamanda külək şəhər sakini Tahir Səlimova məxsus yarım tikilinin də dam örtüyünü uçurub. Şəhərin bir neçə yerində ağaclar da aşıb. Ağaclardan biri qırılaraq yola düşüb. Ancaq aidiyyatı qurumlar tərəfindən problem tez bir zamanda aradan qaldırılıb. Digər bir ağac isə qəbiristanlıqda qəbirlərin üzərinə aşıb, bir qəbir daşına ziyan dəyib. Şəkinin Orta Zəyzid kəndində də güclü külək sakinlərə ziyan vurub. Kənd sakini Vəli Rzayevə məxsus evin hasarını və darvazasını aşırıb. Həmçinin qaz boruları da küləkdən ziyan görüb, kəndin qaz təchizatında fasilə yaranıb. Onu da qeyd edək ki, Şəkinin bəzi hissələrində elektrik enerjisinin verilişində fasilələr meydana gəlib. Oğuzda da küləkli hava şəraiti höküm sürür. Güclü külək Oğuz rayonunun mərkəzində bir sıra fəsadlara səbəb olub. Səməd Vurğun küçədində 150 sakinin yaşadığı dördmərtəbəli binanın dam örtüyü uçub, şəhərin girişində yol boyu bir neçə elektrik dirəyi yıxılıb. Bəzi ərazilərə elektrik enerjisinin verilməsində fasilə yaranıb. Külək Qəbələdə də fəsadlara səbəb olub. Rayonun bir çox kəndlərində elektrik enerjisinin verilməsində fasilələr yaranıb. Bəzi yerlərdə ağaclar aşıb. Aidiyyəti qurumlar tərəfindən yaranmış problemlərin aradan qaldırılması üçün işlər aparılıb.

Həftə içi 5 gün səhər saat 09:00-dan 11:00-a kimi Kanal S-də "Xəbərin var?" adlı verilişin aparıcıları İsa Şükürov və Elyar Sadiqovdur.