Təhsil nazirliyinin VII qrant layihələrinin müsabiqəsində qalib layihələrdən biri olan Şəki şəhər 6 nömrəli məktəbin “3D-Rəsmləri canlandıran qələm” layihəsi yekunlaşıb. Layihənin yekunlarına həsr olunan tədbirdə çıxış edənlər nəzərdə tutulan məqsədlərə çatıldığını bildiriblər. Vurğulanıb ki, layihə nəticəsində təhsilalanlarda qavrayış, təxəyyül inkişaf etdirilib, mücərrəd anlayışları konkretləşdirilib. Layihə həmçinin şagirdlərə yeni məhsullar dizayn etməyə, xoş zaman keçirməyə imkan verib. Ötən ilin oktyabrında icrasına başlanan layihədən 4 ay müddətində 5-ci və 6-cı siniflərdən 17 şagird bəhrələnib. Nəticədə şagirdlər öz təxəyyül məhsulları olan 30-a yaxın fərdi və qrup işləri meydana gətiriblər.

Həftə içi 5 gün səhər saat 10:00-dan 12:00-a kimi Kanal S-də "Xəbərin var?" adlı verilişin aparıcıları İsa Şükürov və Elyar Sadiqovdur.

Zaqatala Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsinə qarşı əməliyyat keçirilib. Daxil olmuş əməliyyat məlumatı əsasında keçirilən tədbir zamanı narkotik vasitələri saxlamaqda və daşımaqda şübhəli bilinən Zaqatala şəhər sakini Renat Məmmədov saxlanılıb.

Şəxsi axtarış zamanı ondan tiryək aşkar edilərək götürülüb. Faktla bağlı rayon polis şöbəsində cinayət işi başlanıb, Renat Məmmədovun ətrafında əməliyyat-istintaq tədbirləri davam etdirilir.