Ölkənin bir çox ərazilərində olduğu kimi Şamaxının da mərkəzində sürü halında gəzən itlər sakinlər üçün qorxu və təhlükə mənbəyinə çevrilib. Problemin aradan qaldırılması üçün aidiyyatı qurumlar hərəkətə keçib. Şəhərin kənarında sığınacaq yaradılıb və sahibsiz küçə itləri toplanaraq həmin sığınacağa yerləşdirilir.

Son vaxtlar itlərin hücumuna məruz qalanlar hədsiz çoxaldığından bu xəbər Şamaxı sakinlərinin sevincinə səbəb olub. Sahibsiz itlərin əlindən nəinki gecə, gündüz də küçəyə çıxmaqdan ehtiyyat edən sakinlər bu addımı alqışlayır. Hazırda sığınacağı genişləndirmək üçün iş aparılır. Sığınacağın ərazisi böyüdüldükdən sonra şəhərlə yanaşı, kəndlərdə olan sahibsiz itlər də toplanacaq.

Şəkili rəssam Rövşən Hüseynov 44 gün davam edən Vətən müharibəsində qəhrəmanlıq göstərərək əbədiyyətə qovuşmuş şəkili şəhidlərin xatirəsinə ehtiram əlaməti olaraq silsilə portretlər üzərində işləyir. Rəssam bu dəfə şəhid mayor Xəyal Məmmədovun mismar və saplardan istifadə edərək portretini yaradıb.

Şəhidlərimizin ruhuna hörmət əlaməti olaraq yaradılan portret xatirə olaraq şəhidin ailəsinə təqdim edilib. Qeyd edək ki, Xəyal Məmmədov oktyabrın 20-də Qubadlının azad edilməsi zamanı snayper gülləsi nəticəsində şəhadətə yüksəlib.

Şəhidin portreti ailəsinə hədiyyə edildi

Qaxda “Gənc İqlim Elçiləri” iki günlük adlı konfrans baş tutub. Tədbirə müvafiq dövlət qurumlarının nümayəndələri, ekologiya sahəsi üzrə maraqlanan tələbələr qatılıb. Çıxışlarda Azərbaycanın bu il COP29-a ev sahibliyi etməsinin çox mühüm əhəmiyyət daşıdığı vurğulanıb, ekologiyanın qorunmasının vacibliyi diqqətə çatdırılıb.

Ardınca “Gənc İqlim Elçiləri” adlı konfrans haqqında təqdimat olub , “Dayanıqlı inkişaf, sağlam dünya və sağlam insanlar üçün gənclərin xidməti”, “Ekologiya və ətraf mühitin mühafizəsi”, “Ekoturizm haqqında”, “COP29” mövzusunda təlimlər keçirilib. Konfransın ikinci günü - rayonun tarixi abidələrinə, görməli yerlərinə səfərlər təşkil edilib, tələbə gənclər “Yaşıl dünya naminə” devizi altında Kürmükçay ərazisində ağacəkmə aksiyasında iştirak ediblər.

Nəticədə gediş-gəlişdə fasilələr yaranıb. Gəndov kəndi ərazisində 42, eni 7 metr olan körpünün günorta saatlarında giriş istiqamətindəki 5 metrlik hissəsi uçub. Beton hissə dağıldığından asfalt örtüyü çöküb. Yolun en hissəsi ümumilikdə 7 metrdir, salamat qalan 2 metrlik hissədən yalnızca kiçik avtomobillər və piyadalar istifadə edir.

Ağırtutumlu yük avtomobillərinin isə hər iki istiqamətdə hərəkəti hələ ki, məhduddur. Əraziyə İsmayıllı rayon 5 saylı xüsusi təyinatlı yol istismarı idarəsinin canlı qüvvəsi və texnikası cəlb edilib. İsmayıllı-Lahıc istiqamətində hərəkət edən sürücülərə ehtiyatlı olmalarını tövsiyə edilib. Ən qısa zamanda problem aradan qaldırılaraq gediş-gəliş tamamilə bərpa ediləcək.

Qədim Azərbaycan şəhəri Şamaxı 1918-ci ilin martında erməni-daşnak qüvvələrinin dəhşətli talan və vəhşiliklərinə məruz qalmışdır. Fövqəladə Təhqiqat Komissiyanın üzvləri tərəfindən Şamaxı şəhəri və Şamaxı qəzası üzrə ermənilərin törətdikləri vəhşiliklər haqqında 7 cild, 925 vərəqdən ibarət təhqiqat materialları toplanmışdı.Şamaxıda azərbaycanlılara qarşı ermənilərin düşmənçilik hərəkətləri hələ birinci dünya müharibəsi başlandığı vaxtlardan özünü büruzə verməyə başlamışdır. Azərbaycanlılara qarşı onlar özlərini çox təkkəbbürlü aparır, onların milli və dini heysiyyətlərini açıqca təhqir edirdilər.Şamaxıda çar hakimiyyət orqanlarının ləğvindən sonra ermənilər gizli surətdə silah anbarını ələ keçirib bu haqda qəza komissiarına və yerli müsəlman Milli Şurasına məlumat vermədilər. Onlar ermənilərdən və molokanlardan ibarət hərbi qarnizon təşkil edərək oraya müsəlmanları buraxmırdılar. Azərbaycanlılar qarnizona girməyə nail olduqda isə erməni əsgərləri onlara qarşı düşmənçilik edir, onları təhqir edir və incidirdilər. 1918-ci il martın 18-də sübh çağı Şamaxı şəhərinin azərbaycanlı sakinləri top atəşlərinin səsinə oyandılar və şəhərin cənubdan ermənilər, şimal-şərqdən isə molokanlar tərəfindən mühasirəyə alındığını gördülər. Şəhərin azərbaycanlılardan ibarət aşağı hissəsi top və pulemyot atəşlərinə tutulur, şəhərin yuxarı hissəsində yaşayan ermənilər isə azərbaycanlılar yaşayan məhəllələri tüfənglərdən atəşə tutdular. Bu hücum müsəlmanlar üçün tam gözlənilməz oldu. Ermənilər azərbaycanlı əhalinin qətlini eşidilməmiş və ağılasığmaz qəddarlıq və işgəncə ilə həyata keçirirdilər. Küçələrdə əzab verilərək öldürülmüş qadınların meyitləri atılıb qalmışdı. Onların döşləri kəsilmiş, qarınları yırtılmış və ən çirkin üsullarla işgəncələrə məruz qalmışdı. Küçələrdə diri-diri pazlara mıxlanmış uşaq meyitləri də atılıb qalmışdı. Azərbaycanlıların evlərindən qarət və talan edilmiş əmlakları araba və furqonlarla erməni və molokan kəndlərinə daşınırdı. Ermənilərin Şamaxı şəhərindəki bu vəhşilikləri bir neçə gün davam etdi. Erməni silahlı birləşmələri martın 18-də sübh çağı Şamaxı şəhəri ilə yanaşı, onun 3-4 verstliyində yerləşən Əngəxaran kəndində də qəfil hücum etdilər.

Qaxın Üzeyir Hacıbəyov küçəsində Firdovsi Orucova məxsus yaşayış evində yanğın olub. Hadisə yerinə Qax rayon Dövlət Yanğından Mühafizə Hissəsinin yanğınsöndürən texnikaları və şəxsi heyəti cəlb edilib. Yanğın nəticəsində ümumi sahəsi 63 kvadratmetr olan birmərtəbəli 2 otaq və eyvandan ibarət olan evin yanar konstruksiyaları yanıb. Yaxınlıqdakı tikililər yanğından mühafizə olunub. Faktla bağlı araşdırma aparılır.