Şabalıdın əsas vətəni sayılan Zaqatalada bu məhsulun qiyməti necə deyərlər, əl yandırır. Səbəb, son illər ağacların kütləvi quruması, və eyni zamanda az miqdarda salamat qalmış ağaclarda da məhsulun bu il əlverişsiz hava şəraiti nəticəsində tələf olmasıdır. 300-500 kq əvəzinə 30,40 bəzənsə hətta 5-10 kq məhsul əldə edən kəndli də öz tələbatını qisməndə olsa ödəmək üçün əlində qalmış məhsulu bir qədər baha satmağa məcburdur qalır.

44 günlük Vətən müharibəsindən sonra bizə Zəfər qürurunu yaşadan daha bir igidin- şəhid Vüsal Məmmədovun da xatirəsi anılıb. Yaxınları, ailə üzvləri şəhidlə bağlı xatirələrini bölüşüb, onun şərəfli ömür yoluna nəzər salınıb.

Bildirilib ki, Vüsal Məmmədov Füzuli, Cəbrayıl, Hadrud istiqamətində gedən döyüşlərdə mərdliklə iştirak edib. Ölümündən sonra “Vətən uğrunda” və “Cəbrayılın azad olunmasına görə” medalları ilə təltif edilib.

Şəkidə 44 günlük vətən müharibəsi şəhidi Toğrul Nağıyevin xatirəsinin əbədiləşdirilməsi məqsədilə bulaq kompleksinin açılışı baş tutub.

Tədbirdə şəhidin yaxınları, şəhid ailələri döyüş yoldaşları, rayon ictimaiyyətinin nümayəndələri iştirak ediblər. Çıxış edənlər şanlı Azərbaycan ordusunun rəşadətindən danışıblar. Bildirilib ki, Toğrul Nağıyev kimi igid oğullarımızın göstərdiyi qəhrəmanlıqlar nəticəsində vətən torpağı düşmən tapdağından azad edildi.

Ailə üzvləri, dostları, döyüş yoldaşları 20 yaşında şəhadətə yüksələn Toğrul haqqında xatirələrini bölüşüblər. Şəhidin təhsil aldığı məktəbin şagirdləri vətənpərvər ruhlu şerlər səsləndiriblər.